Wi snackt Platt

Eenmal in Mond dropt wi uns, üm Plattdütsch to  snacken oder ok to leern. Wi klönt (möglichs op Platt), de Profis leest wat vör, de Anfänger hört to und leert dorbi.

Uns Kring is leider al bannig wat lütter worn. Dormit de Spraak lebennig blift, langt dat nich, wenn wi se verstaht; wi möt se ok snacken.

Wenn ji Platt könt oder leern wöllt (dat is ook good för de Grauen Zelln in Kopp), denn kiekt doch eenfach mal ganz unverbindlich lang:
Jeden 3. Dingsdach int Maant, Klock 14.30 int „Oole Rektorhuus“, Kieler Straat 120. Wi wörn uns freun, wenn sik ook jüngere Lüd för de Sprak interessiert.